Siglir tar il cuntegn

Exteriur Radund 6'000 persunas isoladas dal rest dal mund

Il ciclon Gita ha chaschunà donns sin l'insla dal sid da la Nova Zelanda. Enturn 6'000 persunas èn isoladas dal rest dal mund. Quai communitgescha la protecziun da catastrofas locala.

Bovas blocheschan ina via a la Golden Bay.
Legenda: Bovas blocheschan ina via a la Golden Bay. Twitter/BenGIrwin

Takahohe a la Golden Bay, in lieu che vegn apprezià fitg da turists, n'è betg cuntanschibel per via. Pliras bovas han bloccà l'access. Las lavurs da rumida vegnan probabel a durar plirs dis. En differentas parts dal pajais hai dà inundaziuns.

Davart persunas blessadas u mortas na datti il mument naginas infurmaziuns. Tenor la protecziun da catastrofas saja la fasa pli privlusa passada. Tuttina spetgian ins en differentas regiuns vinavant ferma plievgia.

RR novitads 09:00