Siglir tar il cuntegn
Inhalt

Exteriur Radio.garden - in viadi accustic tras l'entir mund

Sin questa pagina d'internet pon ins tadlar ils radios da l'entir mund. Cun in clic sin in dals puncts verds da la charta geografica sa tschentan ins sin il radio da questa regiun.

Charta geografica dal mund cun puncts verds ch'indicheschan ils emetturs da radio.
Legenda: Sch'ins clicca sin in punct verd pon ins tadlar il radio da quest lieu. Radio.garden

Er il Radio Rumantsch chattan ins sin questa charta. Il signal n'è dentant betg adina uschè bun, ma i cumpara automaticamain er in link da la pagina d'internet dal radio tschertgà. Ultra da quai cumparan, dasper il num dal radio, er infurmaziuns sco in tge pajais ch'ins sa chatta ed en tge citad ch'il radio vegn producì.

Project da scienziads da plirs pajais

Quest project è vegnì realisà da scienziads dal Danemarc, la Germania, la Gronda Bretagna e da l'Ollanda. Lur finamira era da perscrutar la cultura da radio. En tut pon ins tadlar da quai da 8'000 chanals en 160 pajais. Dasper la pussaivladad da tadlar live tut quests emetturs datti er infurmaziuns davart l'istorgia dal radio, tranter auter documents da tun magari rars rimnads sin l'entir mund.

RR actualitad 6:00