Il president dals Stadis Unids Donald Trump sa lamenta da l'investigader spezial che duai examinar las relaziuns da Trump cun la Russia. Tenor l’opiniun da president Trump fetschia quai enorm donn al pajais american.
Critichers sminan che Trump haja relaschà il schef da la polizia federala FBI, James Comey, perquai che quel aveva intercurì las relaziuns da Trump cun la Russia. Enstagl duai ussa in investigader spezial prender sut la marella las relaziuns.
Tenor ils servetschs secrets aveva il president russ Wladimir Putin ordinà d’influenzar il cumbat electoral american en favur da Donald Trump.
RR novitads 06:00