Siglir tar il cuntegn

Exteriur Putin relascha Iwanow, ses confident da blers onns

Il president russ Wladimir Putin ha relaschà surprendentamain ses confident da blers onns, Sergej Iwanow. Il manader da l'administraziun presidiala valeva sco pussaivel successur da Wladimir Putin.

Il president russ Wladimir Putin ed il manader da l’uffizi presidial Sergej Iwanow.
Legenda: Il president russ Wladimir Putin (dretg) ed il manader da l’uffizi presidial Sergej Iwanow. Reuters

Enstagl da manar vinavant l'uffizi presidial russ, è l'um da 63 onns uss represchentant spezial per la protecziun da l'ambient e per ils fatgs da transport. Successur da Sergej Iwanow daventa ses vice d'enfin qua, Anton Waino. Iwanow haja dumandà per in nov post, ha il president russ Wladimir Putin argumentà quest pass.

Il manader da l'administraziun presidiala russa vala sco l'um cun la pli blera pussanza suenter il president. Iwanow ch'era dapi 5 onns en uffizi valeva era sco pussaivel successur da Wladimir Putin.

RR novitads 15:00