Siglir tar il cuntegn

Header

Navigaziun

Wladimir Putin, il president russ
Legenda: Il president russ gida Al-Assad da cumbatter la milissa terroristica SI. Keystone
cuntegn

Exteriur Putin na trametta naginas truppas a terra en la Siria

Il president russ Wladimir Putin ha il mument sclaus da trametter truppas a terra en la Siria. La Russia na vegnia betg a far part d'ina tala operaziun militara en la Siria u en auters stadis. I na dettia nagins plans en chaussa. Quai ha ditg Putin en in intervista cun plirs emetturs americans.

Las emnas passadas ha la Russia schlargià considerablamain sia presenza militara en la Siria. Ils Stadis Unids rinfatschan a la regenza a Moscau da gidar l'armada siriana cun aviuns militars, tancs ed auter equipament.

RR novitads 08:00