Siglir tar il cuntegn
Inhalt

Exteriur Puspè demonstraziun a Skopje

En la chapitala da la Macedonia èn puspè millis da persunas idas sin via per demonstrar. Ellas na vulan betg avair partidas da la minoranza albanaisa en la regenza.

Demonstrants e polizia avant l'edifizi dal parlament a Skopje.
Legenda: Demonstraziuns avant l’edifizi dal parlament a Skopje. Keystone

Tenor rapports da medias n’ha haja i enfin uss betg dà incidents. I saja dentant vegnì deponì material explosiv en vischinanza dal parlament. Avant tschintg dis avevan demonstrants naziunalists assaglì l’edifizi dal parlament. Almain diesch persunas eran vegnidas blessadas.

Crisa politica dapi il 2015

En la Macedonia regia dapli l’onn 2015 ina crisa politica. Era elecziuns dal parlament il december vargà na vevan betg savì quietar la situaziun. Dapi lura refusa il president Gjorge Ivanov da conceder al manader da l’opposiziun Zoran Zaev in mandat per la furmaziun da la regenza. Schebain che quel avess ensemen cun ils delegads albanais ina maioritad en il parlament.

RR actualitad 07:00