Purs grecs protesteschan vinavant

En la Grezia van ils protests dals purs cunter ina refurma fiscala e da rentas en la terz'emna. Tenor indicaziuns d’uniuns purilas blocheschan tractors bleras vias da transit e passagis dal cunfin. Temporarmain han ils purs era bloccà cunfins.

Millis purs blocheschan il traffic en Grezia cun lur maschinas agriculas.

Legenda da maletgs: Cun tractors sin l'autostrada: Millis purs blocheschan il traffic en Grezia cun lur maschinas agriculas. Keystone

Il mardi vulan las uniuns purilas decider, schebain ellas sa participeschan al dialog ch'il schef da la regenza Alexis Tsipras ha offert ubain betg. Tenor la polizia han var 15'000 purs demonstrà ad Athen il venderdi e la sonda passada.

Cun las refurmas dispitaivlas stuessan ils purs pajar dapli per la cassa da pensiun. L’augment muntass da 7 sin 20%. Plinavant duain las taglias sin las entradas vegnidas dublegiadas sin 26%. Las refurmas èn la premissa per che la Grezia survegn ulteriur agid finanzial da ses crediturs.

RR novitads 09:00