Siglir tar il cuntegn
Inhalt

Exteriur Puigdemont na va betg a Madrid

Il schef da la regenza catalana, Carles Puigdemont na vegn betg a viagiar a Madrid. El ha dà giu a curta vista la decleranza planisada en il senat spagnol davart las stentas d'independenza da sia regiun.

Il cabinet regiunal da la Catalugna durant la sesida da mardi ils 24 d'october.
Legenda: Il cabinet regiunal da la Catalugna durant la sesida da mardi ils 24 d'october. Keystone

In motiv persuenter n'ha la regenza catalana betg numnà. En il senat vuleva Puigdemont recaltgar chapientscha per l'independenza catalana. In pledader da la regenza spagnola ha crititgà la decisiun da Puigdemont. I saja cler che Puigdemont na veglia betg manar in dialog, uschia il pledader.

En la sesida dal senat spagnol da venderdi vegn spetgà che l’artitgel 155 da la constituziun vegn approvà. Quel prevesa da relaschar la regenza regiunala e da proclamar elecziuns novas.

RR novitads 20:00