En ils Stadis Unids han millis da demonstrants pretendì dal president da finalmain publitgar sia decleranza da taglia. Demonstraziuns hai dà tranter auter en las metropolas da Washington, Chicago, New York e Los Angeles. Quai a chaschun dal «Di da taglia» en ils Stadis Unids. Fin ils 15 d’avrigl ston ils Americans numnadamain inoltrar lur decleranzas da taglia.
En la citad da Berkeley en la California haja dà charplinas tranter aderents ed adversaris dal president. 13 persunas sajan vegnidas arrestadas. Quai rapporta l'emettur CNN.
En ils Stadis Unids èsi dapi decennis usit ch’il president ed era ils candidats per la presidenza publitgescha er sia decleranza. Donald Trump refusescha dentant da far quai.
RR novitads 06:00