En il port da la citad tudestga Kiel han activists dal clima bloccà ina cruschera per pliras uras. La polizia ha arrestà 50 persunas temporarmain. Cun lur acziun han ils activists protestà cunter la polluziun da l’aria ed il consum d’energia. La cruschera ollandaisa ha pir pudì bandunar il port cun in retard da sis uras.
Protecturs da l’ambient crititgeschan adina puspè la polluziun da l’aria che cruscheras chaschunan, sco er la blera energia ch’ellas dovrian.
RR novitads 12:00