Siglir tar il cuntegn

Exteriur Prolungà dretg da guerra

Sin las Filippinas ha il congress approvà da prolungar il dretg da guerra per l'insla Mindanao en il sid dal pajais.

Armas confiscadas da militants islamistics.
Legenda: Armas confiscadas da militants islamistics. Keystone

Sco pretendì dal president Rodrigo Duterte vegn il dretg da guerra prolungà fin la fin da l’onn. Quest dretg fiss scadì oz.

Tar ils cumbats tranter l'armada e gruppas islamisticas hai fin uss dà bunamain 600 unfrendas. 200’000 persunas sajan en fugia. L’armada avertescha dad in’escalaziun dal conflict.

Adversaris da l’acziun militara han protestà davant il congress. Els pretendan la fin dal dretg da guerra che vala dapi il matg.

RR novitads 12:00