Siglir tar il cuntegn
Inhalt

Exteriur Program da salvament per l'euro è cumpatibel cun lescha tudestga

Il program da salvament da l’euro va a prà cun la lescha da basa tudestga. La dretgira constituziunala a Karlsruhe ha refusà in plant cunter las cumpras d'emprests dispitaivlas da la Banca centrala europeica.

simbol da l'euro avant il bajetg da l'EZB
Legenda: Il program da salvament per l'euro, lantschà il 2012 da l'EZB, correspunda a la lescha da basa tudestga. Keystone

Il program da salvament da l'EZB saja cumpatibel cun la lescha da basa uschè ditg che las premissas dal tribunal europeic vegnian ademplidas.

Il settember 2012 aveva la Banca centrala europeica decis da cumprar uschè blers emprests da stadis sco necessari per stabilisar l’euro. Gia quest’annunzia aveva procurà per critica vehementa en la Germania. Principalmain areguard la dumonda sche l'EZB dastga prender en atgna cumpetenza uschè auts ristgs per ils pajataglia ed intervegnir uschia directamain en las finanzas naziunalas. Cun la sentenzia ha la dretgira da Karklsruhe uss terminà ina dispita da plirs onns.

RR novitads 12:00