Prognosas: Bolivians din na al referendum

En la Bolivia ha il president Evo Morales tenor emprimas prognosas fatg naufragi cun sia emprova da midar la constituziun ed uschia pudair restar pli ditg en uffizi.

Il president da la Bolivia Evo Morales.

Legenda da maletgs: Na dastga probabel betg candidar per in'ulteriura perioda d'uffizi en la Bolivia: Il president Evo Morales. Keystone

Al referendum da la dumengia hajan 52,3% dals votants ditg na a la midada e 47,7% hajan sustegnì quella. Quai rapporta l'emettur da televisiun ATB che sa basa sin cifras d'in institut demoscopic. Cun il resultat definitiv quinta la cumissiun electorala pir en intgins dis.

Evo Morales è dapi il 2006 president da la Bolivia. Ses temp uffizi scada il 2020. La midada da constituziun lubiss a Morales da candidar ina quarta giada sco president ed uschia da restar en uffizi fin il 2025.

RR novitads 06:00