Procuratur public ostagi ad Istanbul

En la metropola tirca Istanbul èn plirs attatgaders armads entrads cun forza en il palaz da giustia tirc e han prendì sco ostagi in procuratur public. Quai rapportan pliras medias tircas.

policists che bloccheschan ina via cun autos e scuds

Legenda da maletgs: Unitads da la polizia bloccheschan il palaz da giustia ad istanbul. Keystone

Sco quai che las medias rapportan vinavant, saja quai stà d'udir sajets en il bajetg. Il procuratur public mainia las investigaziuns en connex cun la mort dad in demonstrant ch’èra vegni tutga al chau d’ina cartuscha da gas lacrimogen. Quai durant ina demonstraziun il 2013. L'um era mort da las consequenzas in pèr mais pli tard.

Plirs critichers renfatschan a la procura publica da na far responsabels ils culpants.