Siglir tar il cuntegn
cuntegn

Exteriur Procura generala da Schleswig-Holstein vul extrader Puigdemont

La renfatscha da rebelliun saja giustifitgada, uschia l'argumentaziun da l'autoritad.

Carles Puigdemont.
Legenda: Carles Puigdemont. Keystone

La procura generala da Schleswig-Holstein, en Germania vul surdar l'anteriur schef da regenza catalan, Carles Putschdemont a la Spagna. Quai saja il resultat da las examinaziuns da la dumonda d'extradiziun da la Spagna, communitgescha l'uffizi. La renfatscha da rebelliun saja giustifitgada. L'uffizi preparia il mument ils documents necessaris per pussibilitar l'extradiziun. Betg approvà ha la procura generala da metter Puigdemont en arrest d'extradiziun. Puigdemont sa chatta per il mument a Berlin.

RR novitads 12:00