Siglir tar il cuntegn

Header

purtret dals trais umens che sesan sin in banc.
Legenda: Il «Reichsmarschall» dal Terz Reich, Hermann Goering, sanester, discurra durant il process per crims da guerra a Nürnberg cun Joachim Ribbentrop, anteriur minister da l'exteriur dal Terz Reich. Entamez sesa Rudolf Hess. Da total 24 accusads èn 19 vegnids sentenziads a la mort. Keystone
cuntegn

Process da Nürnberg Museum en America metta online material da film e tun

Per l'emprima giada èn a disposiziun per la publicitad las registraziuns da tun dals process da Nürnberg suenter la Segunda Guerra mundiala. Il museum da Holocaust a Washington ha fatg accessibel online questas registraziuns sco er singulas cumprovas filmicas dals process.

Tenor il museum pon ins tadlar 775 uras audiziuns e guardar 37 documents da film. Ils original èn en salv tar il tribunal internaziunal a Den Haag. Il 2017 aveva la dretgira lubì la digitalisaziun dal material. Quai ha cuzzà dus onns ed è vegnì realisà cun agid dal museum da Holocaust, il lieu commemorativ Schoah a Paris ed il tribunal internaziunal.

Quest venderdi avant exact 75 onns, il november dal 1945, han cumenzà ils process da Nürnberg nua che nazis en posiziuns a la testa han stuì sa responsar avant dretgira. Il process è ì a fin cun 12 sentenzias a la mort.

Ord l'archiv:

video
Magdalena Tschuor e Pius Bundi - duas perditgas da la Segunda Guerra mundiala raquintan
Or da RTR Social dals 04.05.2020.
laschar ir

RTR novitads 06:00

Artitgels legids il pli savens

Scrollar a sanestra Scrollar a dretga