Siglir tar il cuntegn
Inhalt

Exteriur Procedura d'inquisiziun cunter Marine Le Pen

En Frantscha ha la giustia instradà ina procedura d’inquisiziun cunter la presidenta da la partida Front National Marine Le Pen.

Marine Le Pen, la presidenta da la partida Front National.
Legenda: Marine Le Pen , la presidenta da la partida Front National. Keystone

La giustia renfatscha a Le Pen d'avair defraudà daners e d’avair engaschà pliras persunas fictivamain il temp che Marine Le Pen seseva en il parlament d’Europa. Quai ha confermà l’advocat da Le Pen. Le Pen duai avair pajà las persunas cun daners da l'Uniun europeica schebain che quellas hajan fatg lavurs per la partida Front National.

La dunna ch’è vegnida da curt elegida en il parlament da la Frantscha e banduna uschia il parlament d’Europa refusa las reproschas. Per ella èn las renfatschas motivadas politicamain.

RR novitads 17:00