Siglir tar il cuntegn

Header

In demonstrant palestinais.
Legenda: Las demonstraziuns han chaschunà anc dapli violenza. Keystone
cuntegn

Exteriur Privel d'escalaziun en la Cisjordania

En la Cisjordania han millis palestinais protestà cunter l'attatga d'incendi dal venderdi ch'ha custà la vita ad in pop da 18 mais. Durant dispitas tranter demonstrants e schuldads israelians saja mort 1 giuvenil palestinais. Quai tenor indicaziuns palestinaisas.

In pledader dal militar israelian ha confermà ch'il giuvenil haja bittà rauba ardenta cunter in post da l'armada israeliana. In schuldà haja reagì sin l'attatga e sajettà.

Il venderdi avevan colonists israelians supponids dà fieu ad ina chasa d'ina famiglia palestinaisa datiers da la citad Nablus ed uschia mazzà in uffant pitschen.

Palestinais pretendan che l’ONU duai agir

L'uffizi d'autonomia palestinais vul ch'il cussegl da segirezza da l'ONU s'occupeschia cun l'attentat d'incendi sin la famiglia palestinaisa en la Cisjordania. Il cussegl da segirezza duai agir cun ina resoluziun cunter ils acts criminals dals colonists israelians.

Il secretari general da l'ONU, Ban Ki-Moon, aveva gia crititgà quest'attatga ed er la regenza israeliana ha condemnà l'attentat ed empermess inquisiziuns extendidas.

RR novitads 09:00

Artitgels legids il pli savens