Siglir tar il cuntegn

Header

cuntegn

Exteriur Pretsch bas da l’ieli fa quitads ad Exxon Mobil e Chevron

L'industria da petroli patescha vinavant dals bass pretschs d'ieli. Chevron vul stritgar prest mintga dieschavla plazza ed il gudogn dad Exxon Mobil è sa reducì bunamain per la mesadad il terz quartal.

Il gudogn dal concern d'ieli american Exxon Mobil è sa reducì per 47 % sin 4,2 milliardas dollars il terz quartal, cumpareglià cun la medema perioda da l'onn avant.

Quai communitgescha il pli grond concern d’ieli dal mund. La svieuta è sa reducida per 37 % sin 67,3 milliardas dollars.

Er il concurrent Chevron cumbatta cun las consequenzas dals bass pretschs. Chevron stritga fin a 7’000 plazzas e scursanescha las investiziuns per in quart. Tar Chevron è il gudogn da l’ultim quartal sa sbassà per bunamain dus terzs sin 2,04 milliardas dollars.

RR novitads 16:00

Artitgels legids il pli savens