Siglir tar il cuntegn

Exteriur President dal Libanon sa retira surprendentamain

Il schef da regenza dal Libanon Saad Hariri ha surprendentamain annunzià da sa retrair da ses uffizi. El haja tema da vegnir mazzà sco gia ses bab Rafik Hariri ha el ditg en ina intervista a la televisiun.

Purtret da Saad Hariri.
Legenda: Il schef da regenza dal Libanon, Saad Hariri sa retira da ses post. El tema per sia vita. Keystone

Il bab da Saad Hariri, Rafik Hariri era vegnì mazzà ensemen cun 22 autras persunas il favrer 2005 dad in'attatga cun ina bumba sin in convoi en la chapitala libanesa, Beirut. Il murdraretsch ha destabilisà il pajais.

Il parlament dal Libanon è dividì tranter aderents dals Stadis Unids e da l’Arabia Saudita e tals da la Hisbollah che vegnan sustegnids da la Siria e da l'Iran. Tras il conflict en il pajais la Siria èn ils foss en il Libanon vegnids marcantamain pli profunds, scrivan las agenturas da novitads.

RR novitads 12:00