Siglir tar il cuntegn

Header

Navigaziun

Purtret da Hassan Rouhani.
Legenda: Il president da l'Iran, Hassan Rouhani vul sclerir la situaziun per schurnalists cun ina nova lescha. Reuters
cuntegn

Exteriur President da l'Iran vul megliurar leschas per schunalists

Hassan Ruhani vul ch'ina cummisiun e na betg la dretgira sa fatschentia davart ils cas critics. I na portia nagut dad ir cun mintga affar gist davant ina dretgira.

«Da prender davent ils risplis e scumandar da discurrer als schurnalists sin fundament da rinfatschas absurdas na vegn a purtar nagut», ha Ruhani ditg. Ins na possia betg garantir la segirtad en in pajais sch'ils schurnalists stoppian temair per lur vita.

La regenza saja vid elavurar in sboz da lescha per la pressa che vegnia gia prest surdà al parlament. En quest sbos duain delicts da la pressa vegnir intercurrids d'ina cummissiun. «Ins na sto doch betg purtar mintga dumonda gist avant dretgira u davant in derschader».

La lescha da pressa actuala n'è en blers cas betg definida exacta. Cun la lescha da pressa vertenta vegnan rapports critics savens avant dretgira e declerads sco crim cunter la segirtad naziunala.

RR novitads 12:00