Prender si enstagl da refusar

Fugitivs ord la Siria na duain betg vegnir refusads. Quai pretenda la cumissiun d'inquisiziun da l'ONU per la Siria en ses ultim rapport. Per ils persunas ord il pajais da guerra civila vegnia adina pli e pli grev da chattar protecziun.

2 schuldads, en il fund fugitivs.

Legenda da maletgs: Tenor l'ONU èn pli che 240'000 persunas vegnidas mazzadas en il conflict en la Siria. Keystone

La cumissiun crititgescha che la responsabladad per ils fugitivs na vegnia betg surpigliada a maniera adequata. A l’entschatta haja il chatsch da Sirians en la Jordania, en il Libanon ed en la Tirchia procurà per tensiuns. Entant sa chattia l’Europa dal Sid en ina crisa.

La svizra Carla del Ponte fa part da la cumissiun d’inquisiziun da l'ONU. Il rapport sa basa sin 335 discurs cun perditgas ed unfrendas ord la Siria.

Europa da l'Ost vul coordinar politica da fugitivs

A Prag s'inscuntran il venderdi ils schefs da las regenzas da la Pologna, da la Tschechia, da la Slovachia e da l'Ungaria per coordinar lur politica da fugitivs. Quests stadis eran vegnids crititgads ferm perquai ch'els refuseschan da repartir ils fugitivs sin basa da quotas liantas.

RR novitads 08:00