Siglir tar il cuntegn

Header

cuntegn

Exteriur Premi Pulitzer va a New York Times e New Yorker

Onurà vegnan ils schurnalists ch'han scuvert l'affera enturn il producent da films Harvey Weinstein.

Duas schurnalistas ed in schurnalist ch’han scuvert l’affera enturn il producent da films Harvey Weinstein survegnan il Premi Pulitzer 2018. Ils rapports da Jodi Kantor, Megan Twohey da la New York Times e Ronan Farrow dal New Yorker hajan tranter auter lantschà il moviment «Me-Too» e la debatta d’abus sexual en la branscha da film, argumentescha la giuria a New York. Suenter l'october 2017 saja il moviment «Me-Too» sa derasà er en autras branschas ed ulteriurs pajais.

Il premi Pulitzer

Avrir la box Serrar la box

Il Pulitzer è il pli impurtant premi da la branscha da medias. Il glindesdi ès el vegnì surdà per la 102avla giada. El vegn surdà en differentas categorias. Il premi è vegnì fundà da l'editur da gasettas american-ungarais Joseph Pulitzer (1847-1911). Il premis cumpiglia in document uffizial e 10'000 dollars.

Artitgels legids il pli savens