Siglir tar il cuntegn
Inhalt

Exteriur Premi Nobel per perscrutaziun da l'ura interna

Il Premi Nobel da medischina da quest onn va als trais perscrutaders americans Jeffrey Hall, Michael Rosbash e Michael Young. Els han perscrutà la funcziun e la controlla da l'ura interna. Quai communitgescha l'institut da Karolinska a Stockholm.

Els trais sin in portrait.
Legenda: Ils trais americans Jeffrey Hall, Michael Rosbash e Michael Young tar ina prelecziun l’onn 2015 a Hong Kong. Keystone

Ils trais perscrutaders vegnan onurads per avair scuvert mecanissems, cun ils quals organissems s’adatteschan al ritmus da di e notg – ils uschenumnads «ritems zircadians». Collià cun quel ritmus da di e notg èn las fasas da paus ed activitad e da sa nutrir u giginar.

Jeffrey Hall è professer emerità da da la Brandeis University a Waltham, Massachusetts, e da la University of Maine. Er Michael Rosbash lavura a la Brandeis University. Michael Young è a la Rockefeller University a New York.

Il premi Nobel è dotà cun radund 1 milliun francs e vegn surdà ils 10 da december. Quai è il di da la mort dal donatur dal premi Alfred Nobel.

RR novitads 12:00