Siglir tar il cuntegn

Header

cuntegn

Exteriur Premi Nobel per medischina a 3 perscrutaders

Il premi Nobel per medischina va quest onn a 3 perscrutaders. Quai èn William C. Campbell da l'Irlanda, Satoshi Omura dal Giapun e Youyou Tu da la China.

Il premi Nobel per medischina va quest onn a trais perscrutaders per la perscrutaziun da parasits e da malaria. Quai communitgescha l'institut Karolinska a Stockholm. Ina mesadad survegn la Chinaisa Youyou Tu. La segunda mesadad partan C. Campbell da l'Irlanda e Satoshi Omura dal Giapun.

Be 11 dunnas han survegnì il premi Nobel per medischina

Youyou Tu è pir la indeschavla dunna che survegn il premi Nobel per medischina. En tut è quest premi gia vegnì surdà 207 giadas. Il premi è dotà cun 929’000 francs. Mardi e mesemna vegnan numnads ils purtaders dal premi Nobel da fisica e da chemia. La surdada festiva ha lura lieu tenor tradiziun ils 10 da december, il di da la mort dal fundatur dal premi Alfred Nobel.

RR novitads 12:00 / 14:00

Artitgels legids il pli savens