Siglir tar il cuntegn

Header

Navigaziun

Il papa Francestg che vegn undrà oz cun il premi Karl
Legenda: Il papa vegn undrà oz cun in premi Reuters
cuntegn

Exteriur Premi Karl per papa Francestg

A Roma han cumenzà las festivitads per la surdada dal «Karlspreis zu Aachen».

Il premi Karl, il «Karlspreis zu Aachen» è ina da las pli enconuschentas distincziuns europeicas. Igl è l'emprima giada ch'in papa vegn onurà cun quest premi. L'act festiv è a Roma en il Vatican. Il premi vegn surdà en preschientscha da represchentants da l'UE, sco Donald Tusk e Jean-Claude Juncker. Ma er prominenza roiala è da la partida sco per exempel il retg da la Spagna Felipe.

Pled dal papa vegn spetgà cun mirveglia

Il punct culminant da las festivitads è il pled dal papa. I vegn spetgà ch'il pontifex s'exprima davart la renovaziun da l'Europa e dal return ad ideals e valurs da la societad europeica.

Engaschi extraordinari

Il papa vegn undrà pervi da ses engaschi extraordinari per pasch, chapientscha vicendaivla e misericordia sin l'entir mund. Sin la medaglia che vegn surdada èsi scrit: «Karlspreis zu Aachen 2016 Papst Franziskus Europa - eine Gesellschaft der Werte»

RR novitads 12:00