Siglir tar il cuntegn

Header

cuntegn

Exteriur Pre-elecziuns New York – Clinton e Trump a la testa

Cun la democrata Hillary Clinton ed il republican Donald Trump gudognan ils dus favurits in ulteriura pre-elecziun sin la via al presidi american. Quai mussan las prognosas da plirs emetturs da televisiun, suenter ch’ils locals da votaziun èn vegnids serrads mardi saira.

audio
Bunura: Las pre-elecziuns a New York I - ils resultats
ord Actualitad dals 20.04.2016.
laschar ir. Durada: 3 minutas 49 Secundas.
audio
Bunura: Las pre-elecziuns a New York II – social media
ord Actualitad dals 20.04.2016.
laschar ir. Durada: 2 minutas 25 Secundas.

L’agentura da novitads svizra sda rapporta, che quasi tut las vuschs sajan dumbradas. La democrata Hillary Clinton haja battì cun 58% da las vuschs ses concurrent, senatur Bernie Sanders.

Era radund 60% da las vuschs haja fat il republican Donald Trump. Ses concurrents John Kasich e Ted Cruz hajan fatg cleramain damain vuschs. Trump vegn a concquistar bod tuts dals 95 delegads da New York. Quai al maina pli strusch ad ina majorità absoluta, na garantescha quella dentant anc adina betg.

Gia avant las pre-elecziuns en il stadi da New York eran Clinton e Trump en testa en lur partidas.

RR novitads 06:00

Artitgels legids il pli savens