Siglir tar il cuntegn

Header

cuntegn

Portugal President de Sousa resta en uffizi

En il Portugal resta Marcelo Rebelo de Sousa president. Il politicher conservativ saja vegnì reelegì per ina ulteriura perioda d'uffizi da tschintg onns. Sco la cumissiun electorala a Lissabon ha communitgà ha de Sousa fatg bunamain 61% da las vuschs. Uschia ha l'anteriur professur da giurisprudenza e schurnalist a la televisiun fatg 9 puncts procentuals dapli, che tar sia emprima victoria avant tschintg onns.

Cun distanza sin il segund plaz è Ana Gomes da la partida socialistica. Ella ha fatg bunamain 13 pertschient da las vuschs. Però n'ha ella betg gì il sustegn da la partida dal primminister António Costa. Lez e de Sousa sa chapeschan fitg bain en lur politica.

Malgrà las restricziuns pervi da la pandemia è la participaziun a l’elecziun stada tar radund 40%.

audio
Las novitads da las 06:00
ord Novitads dals 25.01.2021. Maletg: RTR
laschar ir. Durada: 6 minutas 14 Secundas.

RTR novitads 06:00

Artitgels legids il pli savens