Siglir tar il cuntegn
cuntegn

Exteriur Portugal gudogna ESC 2017

Salvador Sobral ha gudagnà l'Eurovision Song Contest a Kiew en l'Ucraina cun ina ballada da jazz.

Il Portugal ha cleramain gudagnà l’Eurovision Song Contest a Kiew en l’Ucraina. Salvador Sobral ha persvas il public cun sia ballada da jazz «Amar Pelos Dois». Sia preschentaziun è stada ina da las pli quietas da l'entira saira.

La musica n'è betg fieu artifizial, mabain sentiment.
Autur: Salvador Sobral

Suenter ses triumf ha il giuven da 27 onns discurrì d'ina victoria per la musica. Sin plaz dus e trais suondan la Bulgaria e la Moldavia. La gruppa da l'Italia favurisada ha cuntanschì il sisavel plaz.

Final senza participaziun svizra

La Svizra n’è betg sa qualifitgada per il final. Sco quai che "Eurovision.tv" rapportà, haja la band "Timebelle" manchentà il final mo per pauc. Ella saja vegnida 12avla. Dentant sa qualifitgeschan mo ils megliers diesch per il final. Tut en tut han 42 pajais fatg part a l'Eurovision Song Contest 2017.

La proxima ediziun da l'ESC è grazia a la victoria da Sobral en il Portugal.

RR novitads 06:00