Siglir tar il cuntegn
Inhalt

Exteriur Porta aviuns american en direcziun Corea

Ils Stadis Unids tramettan in porta aviuns en direcziun da la peninsla coreana. Quai saja ina mesira da precauziun, per marcar preschientscha en la regiun, ha ditg in pledader da l’armada americana.

In porta aviuns dals Stadis Unids qua en in port d'armada.
Legenda: In porta aviuns dals Stadis Unids qua en in port d'armada. Keystone

Il pli grond privel en la regiun saja la Corea dal Nord cun ses program d’atom e cun ses tests da rachettas. Quai pervia che la Corea dal Nord ha gia dapi blers onns in program d’atom quai malgrà sancziuns internaziunalas. Dapi il 2006 ha il pajais fatg tschintg tests cun armas nuclearas e da quests dus l’onn passà. Il medem mument lavura la Corea dal Nord vida rachettas da distanza lunga e mez-lunga che pudessan purtar armas nuclearas fin en ils Stadis Unids.

Stadis Unids èn pronts d’agir sulet

Il president american Donald Trump ha annunzià ch’ils Stadis Unids fissan era pronts d’agir sulets cunter la Corea dal Nord. Quai surtut sche la China sco pli impurtant partenari da la Corea dal Nord na vul betg far dapli squitsch sin Pjöngjang. La Corea dal Nord aveva sinaquai annunzià dad esser pronts da reagir senza misericordia sch’il pajais vegnia provocà dals Stadis Unids.

RR novitads 06:00