Siglir tar il cuntegn
cuntegn

Exteriur Polizia tudestga evitescha attatga terroristica

Cun arrestar in suspectà da terror a Schwerin en Germania da l'ost, han las autoritads tudestgas impedì ina greva attatga terroristica. L'arrestà è in um giuven da 19 onns oriund da la Siria.

Policists tudestgs avant in'entrada
Legenda: Policists a Schwerin suenter l’acziun cunter in um suspectà da terror. Keystone

L’acziun da polizia saja succedida il dretg mument, ha ditg il minister da l'intern Thomas de Maizière. Avunda baud per evitar l’attatga, e tuttina uschè tard per avair mussaments. La polizia e tut las autras partiziuns involvidas hajan prestà lavur entira, ha agiuntà de Maizière.

In motiv islamistic

Forzas spezialas avevan arrestà il mardi en damaun a Schwerin in Sirian da 19 onns. La polizia suspecta l’um giuven d’avair preparà in’attatga cun material explosiv ord motivs islamistics. A Schwerin ed a Hamburg ha la polizia perquirì abitaziuns. Las investigaziuns ha la Procura publica federala tudestga surpiglià.

RR novitads 14:00