Siglir tar il cuntegn
Inhalt

Exteriur Polizia impedescha para attentat a Montpellier

En in'acziun da anti-terror a Montpellier en la Frantscha dal sid ha la polizia arrestà quatter persunas. Quai communitgescha il ministeri da l'intern franzos.

entrada a la chasa cun persuna che pasa sperasora
Legenda: En plirs lieus en ils conturns da Montpellier ha la polizia arrestà las quatter persunas suspectadas. Keystone

A Montpellier ha a polizia ha arrestà quatter persunas, tranter els ina dunna da 16 onns e ses ami da 22 onns. En l'abitaziun dal pèrin arrestà haja la polizia chattà in labor cun la substanza explosiva TATP ed ulteriurs utensils ch'ins po duvrar per construir ina bumba. Tenor diversas medias hajan ils dus contacts cun dschihadists.

La gruppa duai avair planisà in attentat. Ils suspectads èn vegnids arrestads, suenter ch'els hajan cumprà il dissolvent Aceton – ina cumponenta da TATP. La polizia discurra d'in «project d'attentat impedì». Ins na sappia dentant betg co, cura e nua che l'attentat saja stà planisà.

Giavisch dad ir en guerra

La dunna da 16 onns era er curdada si en las raits socialas. Ella haja scrit, ch'ella veglia ubain ir en il territori da guerra en Siria, ubain far in attentat en Frantscha. Tenor la polizia è in dals menturs dals attentaders supponids stà enconuschent al servetsch secret franzos.

RR novitads 14:00