Il rapinament d'ostagis en il sid da la Frantscha è a fin. Il delinquent saja vegnì sajettà giu, ha communitgà il minister da l'intern franzos, Gérard Collomb. Il rapinament ha cumenzà l'avantmezdi a Trèbes sper Carcassone ed ha durà pliras uras. Tenor il president da la Frantscha, Emmanuel Macron, sa tractia probablamain d'in act terroristic.
L'um ch'è s'ha declerà sco aderent da la milissa terroristica Stadi Islamic, duai avair mazzà trais persunas: in passagier d'in auto ch'el haja engulà e lura duas persunas en in supermartgà. Vitiers ha el blessà duas persunas. Avant ch'el ha prendì ostagis en il supermartgà, haja el anc sajettà sin la polizia.
RR novitads 14:00