Siglir tar il cuntegn
cuntegn

Exteriur Plirs morts suenter che punt da peduns sbaluna

Cura ch'ina punt da peduns è crudada ensemen datiers da la citad americana Miami la gievgia, èn almain 6 persunas mortas. Quest dumber d'unfrendas ha inditgà il senatur da Florida Bill Nelson a l'emettur da televisiun CBS.

Ina punt crudada ensemen sin ina via.
Legenda: Numerus gidanters èn vid la lavur al lieu da la disgrazia datiers da Miami. Keystone

La polizia ed ils pumpiers han sulet confermà envers las medias, che pliras persunas sajan vegnidas transportadas en ospitals. Davart la sort da las blessuras na datti naginas infurmaziuns actualmain.

Anc betg en diever

La punt da peduns ch'era anc betg dada libra, è crudada ensemen la gievgia ed a sutterrà plirs autos. I sa tracta d’in punt che maina tar in’universitad, ella steva pir dapi sis dis. Averta per peduns dueva ella esser davent dal cumenzament dal 2019.

La punt cun ina paisa da 950 tonnas è dada giu sin l’entira lunghezza da var 50 meters. Ella ha sutterrà ina via cun set vials.

RR novitads 23:00