Siglir tar il cuntegn
Inhalt

Exteriur Plirs morts pervi da malauras en l'Italia e l'Austria

Pervi da grevas malauras èn mortas en il nord da l'Italia ed en l'Austria pliras persunas.

Purtret d'ina chasa ch'è donnegiada pervi d'ina bova en la Steiermark.
Legenda: En l'Austria e l'Italia dal nord hai dà grevas malauras. Keystone

En las Dolomitas èn mortas duas persunas. Ina dunna è vegnida tschiffada d'ina bova, in viandant è vegnì mazza d'in chametg al culm Marmolata. En la Lumbardia ha il servetsch da salvament alpin discurrì da quatter morts e duas persunas sparidas.

En l'Austria èn las regiuns da Salzburg e la Steiermark stadas pertutgadas il pli ferm. Duas persunas èn mortas. Plirs vitgs èn stads separads da lur conturn pervi da bovas. Millis pertgasas èn stads senza electricitad.

RR novitads 06:00