Siglir tar il cuntegn
cuntegn

Exteriur Plirs millis demonstreschan a Manila

La demonstraziun saja sa drizzada envers la guerra cunter las drogas e la reintroducziun da la paina da mort planisada. Quai han communitgà ils organisaturs da la demonstraziun.

Fin 50'000 persunas han prendì part a las demonstraziuns a Manila.
Legenda: Fin 50'000 persunas han prendì part a las demonstraziuns a Manila. Keystone

Il president Rodrigo Duterte ha percunter defendì ses agir cunter criminals da drogas. Tut en tut saja l'acziun grategiada, ha el ditg a chaschun d'ina vista ad ina Academia miitara. Il problem saja dentant bler pli cumplex ch'emprim pensà. El dovria l'agid dal militiar per proteger ils burgais e betg sco controlla da la societad.

Da l’acziun èn fin uss passa 7’600 persunas vegnidas mazzadas. Dapli che 2'500 persunas èn tenor infurmaziuns da la polizia morts tar sajettadas durant razzias ed acziuns zuppadas. L’agir dal president frunta internaziunalmain sin critica.

Fin 50'000 participants

Ils protests da sonda è fin uss stads la pli gronda demonstraziun cunter l'agir dal president Rodrigo Duterte. Tenor indicaziuns dals organisaturs han tar la demonstraziun fin 50'000 persunas prendì part. Fin dacurt han las baselgias sa retegnì da crititgar l'agir dal president. Bunamain 80 pertschient dals 100 milliuns abitants da las Filippinas èn catolics.

RR actualitad 10:00