Siglir tar il cuntegn
Inhalt

Exteriur Plirs fugitivs moran cura che lur bartga cupitga

En la Tirchia dal Vest èn almain 18 fugitivs najads en la mar, tranter quels almain 6 uffants.

Ina gruppa da fugitivs ch'èn arrivads sin l'insla greca Lesbos.
Legenda: Betg tut ils fugitivs arrivan sauns e salvs nà da la Tirchia sin las inslas grecas. Keystone

La bartga da lain saja stada sin viadi en direcziun da l'insla greca Lesbos. Quai rapporta l'agentura da novitads tirca Dogan. 21 persunas ha la guardia costala salvà. Duas persunas èn anc sparidas.

Bunamain mintga di datti tals accidents mortals sin la Mar Egeica. Pir la notg sin mesemna eran almain 13 persunas najadas en la Mar Mediterrana tranter la Tirchia e la Grezia.

Tenor indicaziuns da l'ONU èn dapi l'entschatta da quest onn radund 970’000 fugitivs arrivads sur la Mar Mediterrana en l'Europa.

RR Novitads 15:00