Siglir tar il cuntegn

Exteriur Plirs blessads suenter in’explosiun a Son Petersburg

Tar in’explosiun d’ina bumba pitschna en la citad russa Son Petersburg, èn almain diesch persunas vegnidas blessadas.

Pliras persunas avant in bajetg la notg
Legenda: Polizia postada avant il supermartgà, suenter l’explosiun a Son Petersburg. Keystone

Ina chargia explosiva fatga sez saja detunada en in caum da bagascha en in supermartgà, ha la polizia russa declerà. La chargia era emplenida cun tocca da metal.

Spezialists per intercurir l'incident

Il motiv na saja betg cler, hai num da vart da la polizia. L’emprim aveva quella exclus in act terroristic. Spezialists da Moscau èn arrivads a Son Petersburg. L’avrigl passà eran 15 persunas mortas tar in’attatga da bumbas islamistica sin la metro da la citad russa.

Tema dal motiv «terror»

Experts n’excludan era betg in emprova da vegnir a daners cun metter insatgi sut squitsch, u la criminalitad organisada. Da l’autra vart han autoritads russas gì retegnientschas ils davos mais, da valitar attatgas da terror sco tals, era cun avair clers avis. Avant diesch dis avevan la Russia ed ils Stadis Unids annunzià, ch'els hajan impedì ina attatga cun bumbas a Son Petersburg.

RR novitads 22:00