Siglir tar il cuntegn

Header

Navigaziun

Bleras persunas demonstreschan.
Legenda: Ad Istanbul han radund 10'000 persunas demonstrà. Keystone
cuntegn

Exteriur Pliras manifestaziuns en Tirchia cunter ils attentats ad Ankara

Suenter las attatgas cun bumbas sin ina demonstraziun da pasch ad Ankara èn almain 95 persunas mortas ed ulteriuras 200 èn blessadas. En pliras citads en Tirchia han pliras 1'000 persunas demonstrà cunter las attatgas ad Ankara.

En la chapitala tirca Ankara èn almain 95 persunas mortas tar 2 explosiuns. Ulteriuras 200 persunas sajan blessadas, conferma la regenza tirca e discurra d'in act da terrur ch'è capità gist sper la staziun da viafier principala ad Ankara. Bleras persunas sa chattian anc sin staziuns intensivas en ospitals.

Erdogan annunzia investigaziuns diras

Il president tirc Recep Tayyip Erdogan ha sincerà da vulair sclerir svelt ils attentats dad. El condemneschia las attatgas che vulian rumper l’unitad, la solidaritad e la pasch en il pajais.

Las persunas sa radunavan per demonstrar per la pasch - ed encunter il cunflict da l'armada tirca cun ils Curds en la Tirchia dal sidost. Clamà a la demonstraziun avevan partidas sanestras e partidas pro curdas.

Svizra condolescha

Sper plirs auters stadis ha era la Svizra ha condolà uffizialmain a la Tirchia. Plirs represchentants da l’UE han appellà al pievel tirc da mussar l’unitad dal pajais.

Bleras unfrendas en il conflict

Ils ultimas mais è il conflict tranter la regenza tirca e las organisaziuns curdas s'intensivà. Dapi lura èn 160 schuldads tircs e 1'700 activists curds vegnids per la vita.

RR novitads 11:00