Siglir tar il cuntegn

Header

Navigaziun

Las bandieras da la Gronda Britannia e da l'Uniun europeica.
Legenda: Ils schefs d'interpresas en Gronda Britannia fan ponderaziuns da bandunar il pajais. Keystone
cuntegn

Exteriur Pliras firmas fan ponderaziuns da bandunar la Gronda Britannia

Plirs schefs da firmas grondas en Gronda Britannia pondereschan da dischlocar parts da lur fatschenta en l’exteriur. Quai sco reacziun sin la sortida da la Gronda Britannia ord l’Uniun europeica.

Ina enquista da la societad da cussegliaziun KPMG mussa che bleras firmas en Gronda Britannia èn preoccupadas quai sajan bun duas terzas da 100 schefs d’interpresas dumandads.

76% da 100 schefs d’interpresas dumandads fan ponderaziuns da dischlocar parts da l’interpresa en l’exteriur. Dumandà ha la societad da cussegliaziun KPMG interpresas cun ina svieuta tranter 100 milliuns ed 1 milliarda pfunds britannics.

Tuttina vesa la gronda part in bun avegnir per l’economia britannica

Var 86% dals schefs dumandads vesan per lur interpresa in bun futur e 69% vesan era per la Gronda Britannia in svilup economic positiv. La mesadad quinta che l’interpresa hajan da sbatter cun consequenzas negativas tras il Brexit ed ils blers hajan gia elavurà in plan d’urgenza per sia interpresa, scriva KPMG.

RR novitads 11:00