La procura publica rinfatscha ad els rebelliun, resistenza cunter la pussanza dal stadi e suppressiun da daners publics. Quai ha ditg il procuratur public general José Manuel Maza a Madrid. En vista a la grevezza dals crims sajan era mesiras sco arrest d’inquisiziun pussaivlas, ha el aschuntà.
Sentenzia da praschun pussaivla
Sche Puigdemont ed ils ulteriurs accusads vegnan sentenziads pervi d’opposiziun cunter la forza statala u perfin pervi da rebelliun, smanatscha ad els fin a 30 onns praschun.
Dapi sonda betg pli en uffizi
La regenza spagnola dal primminister conservativ Mariano Rajoy aveva relaschà la sonda uffizialmain la regenza regiunala e ses schef, Carles Puigdemont. Avant aveva il parlament regiunal catalan approvà il venderdi ina decisiun d’independenza.
RR novitads 14:00
