Siglir tar il cuntegn
Inhalt

Exteriur Plant cunter Harvey Weinstein

Suenter renfatschas d'abus sexual ha la procura publica da New York accusà il producent da Hollywood, Harvey Weinstein, ses frar Robert e lur interpresa. La firma n'haja betg protegì ils collavuraturs da mulestas e discriminaziuns.

Purtret da Harvey Weinstein.
Legenda: Abus sexual procura publica da New York ha accusà Harvey Weinstein, ses frar Robert e lur firma. Keystone

Cunquai haja la Weinstein Company cuntrafatg pliras giadas al dretg, hai num en l'accusa ch'è vegnida inoltrada la dumengia a Manhattan. Il procuratur general Eric Schneiderman ha ditg, che mintga vendita da l'interpresa stoppia segirar «che las unfrendas vegnan indemnisadas» e collavuraturs vegnian protegids.

Renfatschas da collavuraturs

Il plant è vegnì inoltrà al tribunal suprem dal district New York. Il plant cuntegn novas reproschas cunter Weinstein. Al cussegl d'administraziun ed a la direcziun vegn renfatschà, da betg avair protegì ils collavuraturs da mulestas e discriminaziuns. En las novas inculpaziuns vegnan citadas smanatschas che Weinstein ha fatg vers collavuratura e collavuraturs. Tranter auter duai el avair ditg: «Jau maz tai», «Jau maz tia famiglia», «Ti na sas betg tge ch'jau poss far».

L'interpresa aveva relaschà Harvey Weinstein suenter che las renfatschas davart abus sexual eran vegnidas a la glisch. Il mogul da film dementescha fin oz d'avair fatg abus sexual.

RR novitads 06:00