Il plan da reconstrucziun per l'UE che la Frantscha e la Germania han preschentà saja insuffizient. Quai crititgeschan l'uniun sindicala tudestga ed ils tschintg pli gronds sindicats franzos en la gasetta «LeMonde».
Merkel e Macron avevan proponì in program da 500 milliardas euros per che l'economia possia sa revegnir. Quai saja memia pauc. Ins stoppia chalar cun la politica da spargn dals ultims onns, pretendan ils sindicats.
Er plirs stadis da l'UE n'èn betg d'accord cun il plan da reconstrucziun. Ils Pajais Bass, l'Austria, il Danemarc e la Svezia vulan preschentar in plan alternativ.
audio
Per tadlar: Las novitads da las 10:00 uras
ord RTR Audio dals 21.05.2020.
Maletg: RTR
laschar ir. Durada: 3 minutas 25 Secundas.