Siglir tar il cuntegn
Inhalt

Exteriur Pisa: Polizia taliana arresta terrorist supponì

La polizia taliana ha arrestà in terrorist supponì che duai avair planisà in attentat sin la tur inclinada da Pisa.

tur inclinada
Legenda: En medias socialas haja l'um annunzià in'attatga sin la tur inclinada a Pisa, di la polizia taliana. Keystone

Sin la tur inclinada da Pisa en l'Italia è sco i para stà planisà in'attatga terroristica. Sco quai che meds da massa talianas rapportan, haja la polizia arrestà in um che vegnia suspectà d'avair planisà ina tala attatga. La polizia haja entant ordinà d'exiliar il Tunesian da 26 onns.

L'um haja glorifitgà en raits socialas ils attentats islamistics dals mais passads, ed haja annunzià in'attatga sin la tur a Pisa. Suenter ils attentats en Frantscha, Belgia ed en Germania crescha la tema d'in attentat en l'Italia.

RR novitads 06:00