Pilots duain vegnir testads psicologicamain

Suenter la crudada da l’aviun da Germanwings ha l’Organisaziun aviatica internaziunala pretendì da far regularmain controllas spezialas tar tut ils pilots.

2 pilots en in cockpit.

Legenda da maletgs: La Germanwings ha tratg las emprimas mesiras suenter la disgrazia da l'aviun. Keystone

Quellas controllas duajan mussar la fitness corporala dals pilots, dentant era probabels sintoms da stress e psichics, scriva l’Organisaziun aviatica internaziunala da las Naziuns Unidas. Sche questas controllas laschan enavos dubis, lura duai era dar tests neuropsicologics.

Regla da 2 pilots en il cockpit

Sco mesira a curta vista ha la Lufthansa e la Germanwings decidì ch’igl è obligatoric ch’adina 2 pilots èn en il cockpit. Era la societad aviatica Air France ponderescha d’introducir questa regla.

Mardi passà ha il co-pilot da la maschina da Germanwings chaschunà la crudada da l'aviun. Pertge ch’el ha fatg quai n’è anc betg enconuschent.

RR novitads 9:00