Sco las autoritads peruanas annunzian èn passà 11'000 famiglias pertutgadas dals donns. Grondas bovas èn vegnidas a val en la regiun da Arequipa. Là han tschintg persunas pers la vita.Gia la gievgia èn en questa regiun trais persuns vegnidas sutterradas en lur auto d'ina lavina da glitta.
Ils donns chaschunads da las malauras sajan considerabels. Numerusas parts da la via da Lima en il center dal pajais eran bloccadas tras lavinas da glitta e lavinas da glera. Punts èn vegnidas demolidas, terren da cultivaziun destruì, chasas donnegiadas u destruidas. Tenor indicaziuns dal servetsch meteorologic vegnan questas fermas plievgias a durar vinavant fin l'avrigl.
La regenza dal Peru ha proclamà per pliras provinzas e districs il stadi d'urgenza.
RR actualitad 12:00