Siglir tar il cuntegn
cuntegn

Exteriur Per part brischà vivs – Crims da guerra en il Sudan

En il Sudan dal sid duain las truppas da la regenza avair mazzà radund 60 civilists, per part era cun brischar els vivs. Quai rinfatscha l’organisaziun per dretgs umans Human rights watch sa referind sin perditgas.

Truppas da la regenza duain avair mazzà radund 60 civilists.
Legenda: Truppas da la regenza duain avair mazzà radund 60 civilists. Reuters

La schuldada da l’armada duai avair commess quests crims tranter l’avrigl ed il zercladur da quest onn. I sa tractia da crims da guerra e crims cunter l’umanitad, scriva l’organisaziun per ils dretgs umans.

RR novitads 14:00