Siglir tar il cuntegn
Inhalt

Exteriur Pausa da cumbat en il Jemen – l’ultima schanza per il pajais

La notg passada è ida en vigur la pausa da cumbat en il Jemen. Las Naziuns Unidas aveva intermedià questa pausa. Enfin ussa èn tuttas emprovas da chattar ina fin da la violenza en il Jemen idas da l’aua giu.

In um avant fotografias da las unfrendas dal conflict.
Legenda: Tras ils cumbats en il Jemen èn l’onn passà 9’000 persunas mortas. Keystone

Suenter blers mais da cumbats en il Jemen entra ina pausa da cumbat en vigur. L’armada sco ils rebels Huthi duain laschar ruassar las armas en l’entir pajais, sco quai che la cunvegna intermediada da las Naziuns Unidas prevesa. Omaduas partidas da conflict èn sa decleradas prontas da sa tegnair vid la pausa da cumbat.

Planisà discurs da pasch en il Kuwait

Ils 18 d’avrigl duajan alura succeder discurs da pasch en il Kuwait tranter la regenza ed ils rebels Huthi. Organisaziuns d’agid han avertì da las consequenzas negativas sche questa pausa da cumbat n’avess nagin success: Gia oz basegnian passa 80% da la populaziun u passa 20 milliuns umans dal Jemen agid umanitar, scrivan pliras organisaziuns d’agid en ina communicaziun communabla.

RR novitads 06:00