Siglir tar il cuntegn
cuntegn

Exteriur Pausa da cumbat en il Jemen

En il Jemen ha l'allianza militara sut il commando da l'Arabia Saudita proclamà ina pausa da cumbat. Fin il venderdi na veglia ella betg far attatgas sin il rebels schiits da Huthi. Quai per pussibilitar furniziuns d'agid, sco i ha num da vart uffiziala.

Fin uss han radund 3'500 persunas pers lur vita en il conflict en il Jemen.
Legenda: Fin uss han radund 3'500 persunas pers lur vita en il conflict en il Jemen. Keystone

Ils rebels perencunter refuseschan la pausa: Els han cumenzà ina nov'attatga en il sid dal pajais. En il nord ed en il center dal Jemen para la pausa da cumbat da tegnair il mument.

Avant 2 emnas n'era in armistizi che l'ONU aveva intermedià betg vegnì resguardà. Il secretari general da l’ONU, Ban Ki Moon, ha admonì las partidas dal conflict da sa retegnair e da na betg nizzegiar la pausa da cumbat per gudagnar terren.

RR novitads 12:00