Da la sonda sin dumengia n’aveva quai schizunt dà naginas novas arrivadas da migrants ord la Tirchia. Er la guardia da la costa communitgescha che la Tirchia sa tegnia il mument vid la cunvegna da fugitivs cun l’Uniun europeica.
Il mars arrivavan mintgadi dapli che 900 fugitivs ord la Tirchia sin las inslas greccas. L’avrigl eran tenor indicaziuns da las Naziuns Unidas arrivads anc mintga di sur 100 fugitivs.
Cunvegnan runanta tranter UE e Tirchia
Dapi ils 20 da mars vala ina cunvegna tranter l’UE e la Tirchia. Tenor quella cunvegna pon fugitivs ch’èn arrivads a moda illegala en Grezia puspè vegnir tramess enavos en Tirchia. Fin uss èn dentant be 386 migrants vegnids tramess enavos. La raschun per quai è che l’evaluaziun da las dumondas d’asil s’avanzan moda runanta.
La cunvegna prevesa plinavant che burgais tircs pon viagiar en l’UE senz’in visum. L’UE ed Ankara na vegnan dentant betg perina davart las premissas per l’aboliziun da l’obligaziun da visum. Quella duai ir en vigur la fin da zercladur.
RR novitads 12:00